Pozita: Koordinator i Projekteve
Kompania: Al Trade sh.p.k
Lokacioni i punës: Zyre të Kompanisë dhe Punishte
Kushtet e ofruara:
* Pagë mbi mesataren e tregut
* Veture zyrtare për përdorim 24h
* Trajnime të ndryshme që janë në funksion të pozitës së punës
Përshkrimi i vendit të punës:
* Koordinatori i projekteve është niveli më i larte hierarkik në depatamentin e Menaxhimit te Projekteve.
* Koordinatori i projekteve është staf teknik dhe menaxherial, i cili në radhë të parë është përgjegjës të bëjë planifikimin dhe
organizimin e punës në kuadër të realizimit të projekteve. Kujdeset që aktivitetet në veçanti dhe projektet të përgjithësi të
realizohen sipas planit dinamik të paraparë, të jenë brenda buxhetit dhe kualitetit të kërkuar.
* Koordinatori i projekteve i cakton menaxherët për projektet përkatëse, aprovon planin dinamik dhe kostot e projekteve si dhe
monitoron dhe vlerëson raportet periodike teknike e financiare të përgatitura nga menaxherët e projekteve.
Detyrat dhe përgjegjësitë:
* Bën përzgjedhjen e menaxherit për projektin specifik dhe dedikon resurset tjera të nevojshme për realizimin e projektit
(stafin dhe mjetet teknike)
* Rishikon dhe aprovon planin dinamik të realizimit të projektit
* Rishikon dhe aprovon kostot e projektit
* Rishikon dhe aprovon raportimin teknik dhe financiar në baza mujore
* Këshillon dhe mbikëqyrë menaxherët dhe stafin teknik të projektit
* Angazhon ekspertë të fushave specifike teknike, të nevojshëm për implementimin e projektit
* Vlerëson pikat kritike dhe matë rrezikun e projektit në përgjithësi
* Sigurohet që janë duke u respektuar standadet e kualitetit dhe sigurisë
* Sigurohet që sistemi i punës dhe arkivimit të dokumentacionit të projektit është duke u implementuar sipas sistemit të
kompanisë dhe si i tillë duke u përditësuar në serverin e mirëmbajtur nga IT
* Rekruton ekspertë të jashtëm për kryerjen e shërbimeve specifike në kuadër të realizimit të projektit
* Mbikëqyrë aspektin financiar (kontabël), koston dhe buxhetin e projekteve
Në bashkëpunim me menaxherin e projektit dhe/ose menaxherin e prokurimit:
* Merr pjesë në nën kontraktimin e pozicioneve të projekteve
* Analizon dhe studion kontratën e projektit dhe familjarizohet me kushtet teknike, ekonomike dhe juridike të sajë
* Analizon pjesën grafike dhe tekstuale të projektit zbatues për të krijuar strategjinë e realizimit si dhe identifikimit të
pozicioneve kritike financiare e teknike për realizimin e tij.
* Zbërthen sasitë e para masës së projektit në nën aktivitete të domosdoshme ndërtimore për realizim të tyre në punishte.
* Zbërthen kostot e nën-aktiviteteve ndërtimore sipas zbërthimit të realizimit të tyre në punishte.
* Merr pjesë në vlerësimin e ofertave për material, makineri e shërbime së bashku me zyrën e blerjes dhe merr vendimin për
përzgjedhjen optimale të furnizuesit.
* Faktorizon aktivitetet e para masës zbatuese në linja buxhetore përkatëse.
* Harton planin dinamik aktiv (të përgjithshëm dhe mujor) për implementim të projektit në vend.
* Përpilon organogramin e stafit inxhinierik dhe administrativ për implementim të projektit.
* Monitoron aktivitetet mbikëqyrëse të fazave të ndryshme në kuadër të implementimit të projektit (gjeodetin, inxhinierët e
fazave të instalimeve), e në raste të veçanta konsultohet me hartuesit e projektit për sqarime apo plotësime të nevojshme të
projektit.
* Harton planin mujor të shfrytëzimit të fuqisë punëtore dhe makinerisë përkatëse për implementim të projektit. Ky plan duhet
të paraqitet në takimet me departamentin e logjistikës për harmonizimin e tij me kërkesat e projekteve tjera.
* Paraqet kërkesën me shkrim për furnizim me material e pajisje të nevojshme për realizim të aktiviteteve ndërtimore ndaj
departamentit të blerjes.
* Përpilon kërkesa ndaj palëve të treta për oferta për furnizime e shërbime për nevoja të projektit.
* Përgatit dokumentacionin e nevojshëm për implementim të projektit sipas kërkesave të Autoritetit Kontraktues (ditari
ndërtimor, libri ndërtimor, situacionet punuese dhe pjesët grafike përkatëse, sistemin e menaxhimit të kualitetit, shëndetit
dhe sigurisë dhe ambientit, kërkesa për aprovim të materialeve, elementeve e pajisjeve të projektit, etj.).
* Mban takimet e nevojshme ditore, javore e mujore me stafin vartës, bordin menaxhues të kompanisë, autoritetin kontraktues
dhe bashkëpunëtorët e realizimit të projektit.
* Përpilon Minutat e Takimit për mbledhjet me Autoritetin Kontraktues, Autoritetet tjera që ndërlidhen me implementimin e
projektit si dhe Nënkontraktorët.
* Sigurohet që janë duke u realizuar të gjitha testet, shqyrtimet dhe protokolet e nevojshme të materialeve dhe instalimeve të
realizuara në projekt ashtu që të sigurohet kontrolli i kualitetit të procesit dhe punës i paraparë me kontratë.
* Sigurohet që janë duke u implementuar të gjitha procedurat e shëndetit dhe sigurisë në punë.
* Sigurohet që janë duke u implementuar të gjitha masat për mbrojtjen e mjedisit nga aktivitetet e punishtes për realizim të
projektit.
Periudhat e raportimeve:
* Raporton në baza mujore ndaj Bordit Menaxhues të Kompanisë për progresin e projektit (plan dinamik, linja buxhetore dhe
raport me shkrim i mbështetur me fotografi përkatëse).
* Kujdeset qe Raportimi në baza mujore ndaj Autoritetit Kontraktues (ditar ndërtimor, plan dinamik, libër ndërtimor dhe
situacione punuese) të jetë në kohën e duhur dhe formatin e duhur
* Vërejtje: Komunikimet tjera të ndërmjetme relevante për projekt me akterët relevant të projektit bëhen në mënyrë zyrtare me
përdorim të shablloneve të kompanisë, realizimi i të cilave bëhet përmes dorëzimit të komunikimeve me dorë, e-mail apo postë.
Njohuritë dhe shkathtësitë e nevojshme:
* Të jetë inxhinier i diplomuar i arkitekturës/ndërtimtarisë
* Të ketë minimalisht 5 vite përvojë pune në menaxhimin e projekteve
* Të ketë përvojë në qeverisje të projekteve, në vendimmarrje, dhe të ketë cilësi të theksuara të liderit
* Të ketë aftësi shumë të mira të menaxhimit të kohës
* Të operojë me programet profesionale inxhinierike, minimalisht AutoCAD/ArchiCAD dhe programe tjera për analiza dhe
vlerësim të projekteve
* Të njohë shumë mirë punën me programet e Office, posaqërisht punën në Excel, Word, Project dhe Power Point
* Kandidatët me njohuri teorike dhe praktike të menaxhimit të projekteve nga aspekti financiar do të kenë përparësi
* Të ketë përvojë dhe afinitet në menaxhimin e resurseve humane
* Të ketë aftësi të mira analitike dhe numerike në zgjidhjen e problemeve
* Të njohë shumë mirë gjuhën angleze, të folur dhe shkruar
Dokumentet e kërkuara:
* CV në format Evropian
* Diplomën/at dhe certifikata relevante profesionale
* Referencat e punës (minimalisht 5 referenca që dëshmojnë përvojën e kërkuar së bashku me kontaktet e personave referues)
* Çdo dokumentacion tjetër i cili dëshmon aftesit dhe shkathtesite e kërkuara
Verejtje
* Luten të aplikojnë vetëm kandidatët që seriozisht i plotësojnë kushtet e sipërshënuara dhe vertet besojnë të jenë kompetentë
për kryerjen e detyrave që kërkohen.
* Dërgoni CV tuaja dhe dokumentet mbështetëse në emailin: hr@altradeholding.eu .
Tek ‘subject’ ju lutem shënoni titullin e pozitës që po aplikoni.
Konkursi do jete i hapur nga data 5 Prill 2017 deri me 14 Prill 2017.
